Erronka #ArkatzaketaTxertoak

Aurten, erronka garrantzitsua jarri dugu martxan: arkatzez eta txertoez osaturiko 100.000 kit banatu nahi ditugu mundu osoko haurren osasunean eta hezkuntzan laguntzeko, etorkizunari aurre egin diezaioten. Ezinezko erronka? Zure laguntzarekin badakigu dena posible dela!

#ArkatzaketaTxertoak erronka

Arkatzak idazteko eta ikasteko beharrezko tresna dira. Munduarekin harremanetan jartzen laguntzen dute. Haurrak beren istorioen sortzaile izatea ahalbidetzen dute. Arrazoiaren eta irudimenaren euskarria dira.

Txertoak haurrak gaixotasun hilgarrietatik babesteko metodorik errazena, seguruena eta merkeena dira. Etorkizuneko inbertsioa dira, arriskuak murrizten dituzte eta epe luzean osasun-arretaren kostuak areagotzea saihesten dute.

Urtero, UNICEFek banatzen ditu munduan jartzen diren txertoen ia erdia, eta, 2023an, 31 milioi haurri baino gehiagori eman zien eskola-materiala.

Arkatzak eta txertoak osasuna eta kultura demokratizatzen duten baliabide erraz eta ekonomikoak dira. Etorkizuneko haziak dira.

Hemen ikus dezakezu erronkari hasiera eman zion ekitaldia:
https://www.youtube.com/live/vN8cCQYJZtU